Монодрамата ,,ТОРОНТО ЕКСПРЕС“ вечерва ја има својата премиера

Монодрамата на Александар Микиќ ,,Торонто Експрес “вечерва ја има својата премиера во Македонскиот Народен Театар , која е во режија на актерот Јордан Симонов .

Претстава која за миг не носи во едно за нас поинакво општество и ни ја претставува реалната слика за тоа каде сме ние и како свесноста за едно здраво општество е обврска за промена која лежи во секој од нас.

По мотивите на збирката есеи „Тибам Штркот“ на Зоран Спасов – Ѕоф

Режисер: Јордан Симонов

Адаптација на текстот: Благоја Бошковски, Александар Микиќ и Јордан Симонов

Игра: Александар Микиќ

Извршен продуцент: Виктор Рубен

Сценограф: Мартин Манев

Костимограф: Роза Трајческа – Ристевска

Графички дизајнер и дизајнер на плакат: Кристина Јорданова

Асистент на режисерот: Деспина Тодоровска

Фотограф: Кире Галевски

Инспициент: Александар Рајковски

Суфлер: Тања Ивановска

Реквизитер: Боби Ѓелиќ

Светло – мајстор: Игор Митревски

Тон – мајстор: Стефан Михајловски

Гардеробер: Скендер Бериша

Декоратери: Саво Ивановски, Хусеин Халили и Дурмиш Сефер

„Торонто експрес” е агенција за помош при емиграција во Канада. Целта на работењето е да се врбуваат сите Македонци со што колективно би се иселиле во ветената земја.

Агенцијата е раководена од генералниот директор Јордан Симонов, кој е светски признат експерт во убедување како да го напуштите родното огниште и да заминете во белиот свет. Програмата и презентацијата се подготвени од Зоран Спасов Sоф, претседател на одборот на македонското комјунити. Во замена за оправдано отсутниот презентер Митре Стрелата, оваа мисија во последен момент му е доделена на Александар Микиќ – презентер без грам искуство. Во подготовка на прекуокеанскиот ивент активно учествуваа и проект-менаџерот Виктор Рубен, коментаторот Благоја Бошковски и ПР-експертот Деспина Тодоровска. Од македонска страна непроценлив придонес дадоа Рале (сопственик на продолжен кабел), Мартин (гуру за Пауерпоинт), како и една плавуша за која никој не знаеше што работи. И покрај тоа што целата екипа наликува на дружината на Алан Форд, сепак работи рентабилно и постигнува огромен успех.

Т’гата на Вале

Гарантно писмо в џеб да си метнам,

и за Канада да му ја летнам!

На гурбет далечен ја да си идам

па ак’ требит и пингвин ќе бидам.

Да видам дали политика и тамо

малтретира народ како и вамо.

Овде је мрачно и мрак м’обвива

и многу ѓубре земјава покрива.

Бараби, шмизли и полни пепељари,

и пилешко шо немојт да се сварит.

Околу м’гли и несреќни лица