,,Соѕвездија”новиот театарски запис на Нела Витошевиќ

,,Соѕвездија” – нов театарски запис на Нела Витошевиќ

Претставата ,,Соѕвездија”, вечерва, 17.09.2021 година, со почеток од 20 часот премиерно ќе биде изведена на сцената на Националната установа Центар за култура ,,Трајко Прокопиев “ во Куманово .

“Соѕвездија” е новиот театарски запис и остварување на уште една суштинска приказна на режисерката Нела Витошевиќ, работена според текст на Ник Пејн .

Шест актери на сцена кои со својата креативност и емотивна променливост и расположение не внесуваат темелно во секоја наредна сцена .

Претстава за изборот на одлуки што го дефинираат правецот на нашиот живот . За слободната волја за улогите на случајноста и неочекуваните ситуации како што се загубата и разделбата од најблиските . Љубовна приказна преку која се следи животот на еден исти пар од нивното запознавање до нивната разделба и смрт . Карактеристично за оваа претстава е тоа што целата приказна се случува во паралелни универзуми, всушност една приказна следена од различни универзуми .