Детскиот културен центар „Карпош“

Tag.

Конкурс за оригиналнo прозно дело за деца од 10 до 15 години

Конкурс за оригиналнo прозно дело  за деца од 10 до 15 години

Детски културен центар „Карпош“ и Град Скопје распишуваат Конкурс за оригиналнo прoзно дело  за деца на возраст од 10 до 15 години

Пријавените книжевни дела (роман, новела, подолг расказ…) треба:

• да имаат наративна форма

• да имаат најмалку 30 компјутерски страници

• да бидат наменети за деца од 10-15 годишна возраст

• да бидат напишани на македонски јазик

• да не биле досега објавувани

Особено внимание ќе биде посветено на дела што се забавни, достеливи, поучни, поттикнуваат креативност и критичко размислување. Целта на овој проект е креирање на можности за авторите што пишуваат литература за деца и млади, како и креирање на читачки навики кај младите преку содржини што ќе поттикнат љубопитност кај нив.

Текстовите треба да бидат испратени електронски најдоцна до (10 Мај 2022)  на следната е-мејл адреса: citackimaraton@gmail.com   (со назнака: За конкурсот за оригинално прозно дело за деца)

За наградата ќе одлучува тричлечна стручна комисија. Учесниците ќе бидат известени за резултатите од конкурсот најдоцна до (10.06.2022). Тричлената комисија ќе додели една награда, а делото ќе биде публикувано.

Целта на овој конкурс е да се поттикне продукцијата на литература за деца од оваа возраст.

По повод 13 Ноември, Детскиот културен центар Карпош, како и секоја година, со помош на најмладите ќе го честита роденденот на нашиот град.

По повод 13 Ноември, Детскиот културен центар Карпош, како и секоја година, со помош на најмладите ќе го честита роденденот на нашиот град.

По повод 13 Ноември, Детскиот културен центар Карпош, како и секоја година, со помош на најмладите ќе го честита роденденот на нашиот град.

Имено, детскиот градски хор ,, Гласот на децата на Скопје” при ЈУ. Детски културен центар Карпош, упатува видео честитка, додека пак, точно на пладне, во 12.00 часот, ќе се одржи манифестацијата “Го градам мојот град”, во рамките на која децата од градинките со својата креативност ќе покажат како го гледаат својот град преку изработка на макети и модели од најразличен природен материјал.

Три децении Оро без граници

Три децении Оро без граници

Првиот фестивал  на Оро без граници се реализира во 1991 година по иницијатива на доајенот на македонскиот фолклор Тофе Дракулевски. Од тогаш до ден денес повеќе од 80 држави учествуваат на фестивалот, со што „Oро без граници“   се етаблира во столб на македонската култура

Детскиот културен центар –  Карпош со својот фолклорен ансамбл се домаќини на фестивалот, а со тоа тие ја водат целата организација, а се поддржани од Град Скопје.

Фестивалот уште од самото формирање па сѐ до ден денес, е со ревијален карактер. Еден од главните и најсимболични моменти на фестивалот е дефилето на учесниците. Дефилето се движи од Детскиот културен центар – Карпош до плоштадот во центарот на градот, каде се формира најголемото оро, оро кое не познава граници, оро кое е симбол на пријателство меѓу децата.

Оваа година својот 30 годишен јубилеј, Оро без граници го одбележува низ целата година со различни активности како што се ликовниот конкурс на тема Оро без граници – симбол на пријателство меѓу децата, изложба на фотографии на тема „Деца во традиционални носии минато – сегашност“, Ретроспективна фото галерија „Три децении Оро без граници“, проекција на интервју со основоположникот на Оро без граници Г-дин Тофе Дракулевски, промоција на каталог посветен на Оро без граници. Фестивалот ќе се заокружи со две фестивалски вечери на 16 и 17.09.2021 во Куршумли Ан изјави директорката на фестивалот д-р Билјана Лалчевска Серафимовска.

Заврши вториот фестивал на детска креативност Трамболини

Заврши вториот фестивал на детска креативност Трамболини

Креативноста е способноста да се добиваат, да се создаваат или да се откриваат нови идеи и решенија и да се согледуваат нови можности.

Токму работилниците кои се дел од фестивалот Трамболини нудат можност да се научи нешто ново што ќе ја стимулира детската фантазија, ќе ги научи децата да совладаат нови техники на креативно изразување на забавен и креативен начин.

Ликовно креативните работилници се одвиваа преку инспирирање, создавање, репродуцирање дискутирање, со цел децата и младите да се запознаат со уметноста и нејзините креативни процеси на работа, ликовни техники и креативни концепти.

Креативните торбички кои самите ги дизајнираа на работилниците дефинитивно станаа составен дел од нивната гардероба како моден додаток.

Преку едукативните танцови работилници чија цел беше децата да стекнат одредено знаење за себе си и за својата позиција во општеството преку танц, тие ја разбраа и важноста на нивната индивидуалност, а исто така и последиците доколку ја немаат истата.

Студиото за детски мјузикли формирано од Здружението Крео Аксис, годинава не почести со „Убавицата и ѕверот“, мјузикл за деца и младинци преведен и препеан на македонски јазик.

Малите археолози се најдоа во улога на Индијана Џонс и преку работилницата дознаа како под површината на земјата лежи цел свет во кој никој никогаш не знае што ќе се најде. Научија дека археолошките ископувања не се одвиваат само некаде далеку во светот, туку вистинското богатство може да биде скриено под земјата што ја шетаат и газат секој ден.

Децата уживаа во несекојдневните демонстрации на хемиски реакции кои ги изведе едукаторот, а потоа и самите експериментираа и навлегоа во светот на експериментирањето.

„Временските патници“ во Националната галерија Даут Пашин Амам научија дека „модерната уметност кон секого прозборува, и ги пресретнува сите генерации, и може да се работи со она што ни е веќе познато, за себе, за другиот, или за уметникот.“

Работилниците за личен развој, претставуваа совршено место за откривање и стекнување на нови знаења и техники, преку кои младите развија едно ново разбирање за себе и своите емоции. Имаа можност да се фокусираат на своите мисли и емоции и сфатија дека тие имаат заемен ефект кој е од суштинско значење за нив.

Целта на работилниците за креативно пишување беше да ги поттикне младите кои се заинтересирани за пишувањето да се насочат во соодветната насока преку која ќе го изградат својот стил.

Секој од учесниците имаше можностда биде оригинален во своето писмено изразување, бидејќи е лично и ги изложува идеите на „писателот“ како и неговата способност да управува со јазикот и стилот.

Младите учесници кои беа дел од работилницата за илустрација во класична техника, работеа на кратка приказна и се запознаа со етапите на создавање на илустрација.

На работилниците насловени како „Оркестроманија“, децата се стекнаа со нови знаења за инструментите, но и тие беа креативни, така што и самите направија сопствени инструменти.

Работилниците за рачна изработка на приврзоци и модни детали од полимерна глина беа вистинско доживување за децата на фестивалот за детска креативност Трамболини. Овие модни додатоци што за кратко време станаа тренд помеѓу помладите генерации, можеа да се изработат токму на работилниците.

Анимирана филмска авантура за најмладите гледачи, како и комедија за момче кое е неприфатено од своите врсници се емитуваа на Кино дворче на големо задоволство на децата и младите.

Како круна на целиот фестивал беше дебатата за „Развој на детската креативност“ која побуди интерес кај многубројна публика, а ја модерираше Ана Јовковска изјави директорката на фестивалот д – р Билјана Лалчевска Серафимовска.

На сите работилници беа применети сите превентивни мерки за заштита од корона вирусот.

    Несекојдневно отварање на вториот фестивал на детска креативност Трамболини

    Несекојдневно отварање на вториот фестивал на детска креативност Трамболини

    Отворен е вториот детски фестивал на креативност Трамболини во Скопје, во градски парк на Школка во организација на ЈУ. Детски културен центар – Карпош!

    Поттикнувањето на креативноста и креативните вештини кај децата е една од целите на овој фестивал.Овие работилници нудат можност да се научи нешто ново што ќе ја стимулира детската фантазија, ќе ги научи децата да совладаат нови техники на креативно изразување на забавен и креативен начин.

    Самиот почеток на програмата го одбележаа учесниците во работилницата насловена како „Оркестроманија“ , кои со своја детска хорска изведба го отворија фестивалот со химната Трамболини.

    Пораките на децата од отворањето на фестивалот се: Она креативното што се наоѓа во нас е уникатно, креативноста е заразна,  ја пренесуваме на сите!Со нашиот Трамболини фестивал, секој ден е несекојдневен!

    Отварањето беше проследено со атрактивна изведба на пантомимичар, жонглери и штулари, статуи кои ги демонстрираа своите вештини и ги забавуваа посетителите. Децата ги претставија работилниците, демонстрирајќи што креативно ќе се работи во следните денови. На радост на децата, но и на возрасните по втор пат се изведе „Потрага по изгубеното богатство“ и не е тајна дека оваа потрага ги воодушеви сите генерации.

    “Во следните денови не очекуваат уште многу креативни работилници од областа на ликовната и музичката уметност, личен развој, природни науки, филмски проекции, танц, изложби, натпревари кои ќе ги воодушеват децата на Скопје и сите оние кои ќе бидат нивни мали и големи гости” – вели директорката на Детскиот културен центар, Д-р Билјана Лалчевска Серафимовска

    Фестивалот Трамболини е  поддржан од Град Скопје, а како помагатели на овој фестивал се Виталиа, и Маya вода. Како соработници на овој фестивал се Крео Аксис здружение за неформално и инклузивно образование, Градски трговски центар ( ГТЦ), Скопје, Археолошкиот музеј, Национална Галерија Даут Пашин Амам, Младински културен центар, Скопје, Europe House Skopje, кои ги отворија вратите за учесниците, како и Кинотека на Република Северна Македонија.

    Изложба во рамки на манифестацијата „Го градам мојот град“ – 2020

    Post Image

    Детскиот културен центар „Карпош“ и оваа година традиционално, во чест на градот Скопје ја организира манифестацијата „ГО ГРАДАМ МОЈОТ ГРАД“-2020, манифестација посветена на најмалите од предучилишните установи.
    Оваа манифестација има за цел да ги истакне детските творечки способности, детската креативност, а воедно и поопширно да ги запознае децата, колку големо значење има празникот 13 Ноември за градот Скопје.
    Поради ситуацијата во која се наоѓа нашиот град Скопје и државата, решивме манифестацијата да ја одржиме на поинаков начин.

    Поради ситуацијата во која се наоѓа нашиот град Скопје и државата, решивме манифестацијата да ја одржиме на поинаков начин.
    На наша покана децата од скопските градинки од поголемите групи направија макети со значајни објекти од градот Скопје. Објектот кој го одбраа да го изработат е по нивен избор. Градежниот материјал што го користеле децата за макетите е исто така по нивен избор и може да користат се што сакаат и сѐ што нуди природата.

    Децата за изработка на макетите употребиле природни материјали, лисја, каменчиња, дрвцa, употребиле, боици, картон и друг прибор, а не ги изоставиле ни зрнестите продукти како што се леќата, оризот и зрна грав. Од сите овие работи произлегоа навистина прекрасни макети со градби, кои не би поверувале дека можат да ги направат деца од 4, 5 и 6 години.

    Покрај макетите добивме и фотографии од изработката на макетите односно фотографии како децата внимателно и посветено ги изработуваат.
    Идејата ни е сите творби од градинките да ги изложиме во дворот на центарот , да направиме изложба, а потоа и преку видео, со почеток во 11 часот ќе се прикаже на ФБ страната на ДКЦ „Карпош“  како и на YOU TUBE каналот на центарот.

    Видеото од манифестацијата „Го градам мојот град “-2020 ќе се прикаже на празникот на градот Скопје 13 ноември (петок), со почеток од 11.00  часот.

    За градинките учесници на оваа манифестација предвидени се симболични подароци во знак на благодарност и соработка.