Фанк Шуи

Tag.

Фанк Шуи со концерти во Лондон и Ливерпул!

Фанк Шуи со концерти во Лондон и Ливерпул!

Фанк шуи со својот исклучителен талент и константна работа на својот израз,
ја започнаа 2022 година со онлајн претставување на најголемиот и најпрестижен шоукејс фестивал во Европа – Eurosonic во Холандија. 
Токму ова појавување покажа доста голем интерес од Европската публика. 
Оваа пролет Фанк Шуи објавуваат дека ќе ја започнат со гостување со два концерти во Англија. На 29ти Април го одржуваат својот концерт во Лондон,а ден потоа гостуваат на добропознатиот Sound City фестивал во Ливерпул, на кој многу артисти од музичката идустријаја имаат започнато својата кариерата, меѓу кои и Ed Sheeran, Florence and the Machine, The XX, Alt J, The Kooks,  итн.

“Возбудени сме што ќе имаме можност да настапиме во Лондон и Ливерпул
и што ќе ја споделиме нашата музика со тамошната публика.
Почестени сме што ќе бидеме дел од програмата наSound City Festivalво Ливерпул, еден од најголемите
шоукејс фестивали во Европа. Исто така, со нетрпение го очекуваме и нашиот концерт во добро познатиот клуб „ The old blue last” во Лондон!


Бендот исто така во моментот е актуелен со 3 номинации за минатогодишното видеото “Не Време” во соработка со Вера Милошевска Јосифовска
на Muzzik Video Awards 2k21, во категориите најдобра камера,најдобра режија и фјужн.

Фанк Шуи ќе настапуваат на “Hemi Live Music Sessions”

Фанк Шуи ќе настапуваат на “Hemi Live Music Sessions”

Live Music Sessions

Недела, 23-ти мај | 19:00 (CET)

Лајв стрим: HEMI Facebook & HEMI Youtube

HMA (HEMI MUSIC AWARDS) полека се приближува кон крајот на втората фаза. На 23-ти мај (недела), преку онлајн настапи на 9-те финалисти, ќе се одредат трите победници!

За време на настанот, 9-те финалисти ќе се претстават со песна по сопствен избор, а публиката и судиите ќе имаат шанса подобро да ги запознаат преку интервјуа со секој од финалистите.

Во изминатите два месеци, 9-те финалисти – Thom Artway (CZ), I Wear* Experiment (EE), Deaf Radio (GR), Woodstock Barbie (HU), Funk Shui (MK), Dogs in Kavala (RS), Izzy and the Black Trees (PL), Lucia (RO), Koala Voice! (SI) посетија персонализирани сесии и професионални тренинзи од страна на ментори – експерти во областа на музичката индустрија, кои работат со компании и фестивали како што се Spotify, Songtrust, Google, !Κ7, Sziget, MENT Ljubljana, A38 Ship, Sony/ATV, etc.

Менторите го пренесоа своето знаење и искуство преку вкупно 50 персонализирани сесии на теми како што се издаваштво, монетизација, рекламирање, букинг, ПР,  маркетинг, турнеи, како и изработка на плејлисти. Од вкупно 285 европски таленти од Централна и Југоисточна Европа, жирито првично избра 27 бендови од 9 држави, меѓу кои од Македонија беа избрани Плутос Даутс, Фанк Шуи и Ју. Во вториот круг влегоа ФАНК ШУИ, заедно со уште осум европски бендови.

ФАНК ШУИ се македонските финалисти на HEMI MUSIC AWARDS!

ФАНК ШУИ се македонските финалисти на HEMI MUSIC AWARDS!

Еден од најпрогресивните музички состави кај нас, ФАНК ШУИ – моментално актуелен со синглот “Не Време”, се наоѓа помеѓу 9-те финалисти номинирани за “HEMI Music Award” – новата програма, наменета за талентирани музички изведувачи кои се подготвени да развијат меѓународна кариера и да ја пласираат својата музика на европско ниво.

Од вкупно 285 европски таленти од Централна и Југоисточна Европа, жирито првично избра 27 бендови од 9 држави, меѓу кои од Македонија беа избрани Плутос Даутс, Фанк Шуи и Ју а во вториот круг, со гласовите од меѓународното жири, влегоа ФАНК ШУИ, заедно со уште осум европски бендови.

Меѓународното жири на Центарот за размена на музички иновации “HEMI”, е составено од организатори на фестивали, промотори, менаџери, продуценти и музички новинари, меѓу кои се наоѓаат имиња како Edmond Lenarth – букинг агентот на најголемиот фестивал во Романија “Electric Castle”, Thomas Machairas – арт директор на “Release Athens Festival”, Milan Rakić – букинг агент за Explosive Stage на реномираниот “Exit Festival”, Katarina Epstajn од Radio Belgrade, Dragan Ambrozić – уредник на програмата на Dom Omladine во Белград.

Во втората фаза на “HMA”, 9-те финалисти ќе добијат персонализирани сесии и професионални тренинзи од страна на ментор – експерт во областа на музичката индустрија, кој ќе биде назначен согласно потребите на секој бенд.

Заедно со обуката овозможена од “HEMI”, 9-те финалисти ќе изработат ексклузивен материјал кој ќе го претстават за време на “HMA” лајв сесијата, за конечно да стигнеме до последната фаза на наградите во јуни, кога ќе се изберат 3-те добитници на “HEMI Music Awards 2021”!

Покрај Фанк Шуи, помеѓу 9-те финалисти се наоѓаат и пејачот и баскер “Thom Artway” од Чешка, необичното нордиско електро-поп трио од Естонија “I Wear* Experiment”, алт-рокерите од Грција “Deaf Radio”, блуз бендот “Woodstock Barbie” од Унгарија, гараж-рок триото и гордите сопственици на еден од најдобрите српски албуми за 2020 година “Dogs In Kavala”, полскиот квартет “Izzy and the Black Trees”, првата Youtube сензација во Романија “Lucia” и словенечките “Koala Voice” кои одлично ја комбинираат инди музиката со рок и поп звукот од 70-тите.

Невреме – Нов сингл од Фанк Шуи и Вера Љубојна

Невреме – Нов сингл од Фанк Шуи иВера Љубојна

Најперспективниот бенд кај нас, ФАНК ШУИ, со својот исклучителен талент и константната работа на својот израз, ја одбележаа 2020та продуцирајќи два важни синглови во нивната кариера. МЕТЕОРИ и ВЕТЕР, кои заедно со своите официјални видеа се авторски материјал кој ја мултиплицираше нивната регионалната публика. Фанк Шуи во рекордно време се позиционираше на најрелевантните топ листи, разгорувајќи го медиумскиот интерес на Балканот.

НЕВРЕМЕ е нов сингл, издаден денес (10 март, 2021), во соработка со еден од најпрепознатливите и најегзотични женски вокали во поновата македонска историја – Вера Милошевска Јосифовска, кристалниот глас на групата Љубојна и најавтентичната културна фигура на македонскиот мелос . Синглот е достапен на сите дигитални платформи за слободно преслушување и се наоѓа на повеќе од 150 дигитални музички продавници. Официјалното видео ќе се појави со своја премиера на 10ти март во 19 часот на YOUTUBE каналот FUNK SHUI.

НЕВРЕМЕ е еклектична фузија во нова и своја стилска и жанровска рамка, онака како и прилега на бескрајната љубопитност на ФАНК ШУИ.

Бендот во моментов е актуелен со номинациите за видеото МЕТЕОРИ на ADRIA MUZZIK VIDEO AWARDS 2020 во дури три категории, тие се финалисти на HEMI Music Awards, држејќи го регионалниот медиумски и концертен интерес сосема буден и подготвен за следниот чекор.