Bozinovskifondacija

Tag.

Посетителите на „Sound. Time. Vision“ на Манаки Офф имаа ексклузивна можност да го преслушаат „МАКЕДОНИСИМО“ на Симон Трпчески пред официјалната македонска претпремиера

Посетителите на „Sound. Time. Vision“ на Манаки Офф имаа ексклузивна можност да го преслушаат „МАКЕДОНИСИМО“ на Симон Трпчески пред официјалната македонска претпремиера

На аудио поставката Sound. Time. Vision на „Теохаров аудио“, „Божиновски часовници и накит“ и „Каре“ посетителите имаа ексклузивна можност да го преслушаат новиот проект на Симон Трпчески „МАКЕДОНИСИМО“ чија македонска претпремиера ќе се случи во сабота во автентичниот амбиент на родното место на неговиот татко  во с. Збажди, во струшка Малесија.

Посетителите во огромен број уживаа во звуците на најафирмираниот македонски пијанист и изведувач Симон Трпчески, како увертира на најавената претпремиера во живописното Збажди.

„Убаво е кога ќе се склопат енергиите и кога ќе создадат нешто неповторливо, како што е случајот со годинешната поставка на Теохаров Аудио која ја креиравме заедно со „Божиновски часовници и накит“ и „Каре“. Покрај тоа што успеавме да обезбедиме ексклузивни аудио матерјали кои тука беа преслушани за првпат, посетителите во текот на целата недела на одржувањето на фестивалот „Браќа Манаки“ имаа можност да уживаат во звуците на филмска музика компонирана за македонски филмови“, изјавија организаторите на Офф програмата на „Браќа Манаки“.

Покрај „МАКЕДОНИСИМО“ на Трпчески, посетителите уживаа и во звуците на музиката на браќата Тавитјан, Влатко Стефановски, како и во музиката од филмовите на најнаградуваниот македонски режисер Милчо Манчевски.

За неповторливото аудио искуство на посетителите се погрижи Теохаров аудио, додека совршениот амбиент во просторот е дело на „Каре“ дел од Смарт Ливинг групацијата, се тоа вкомпонирано во една пријатана „дневна соба“ во централниот дел на најрепрезентативното здание во Битола – офицерскиот дом, составена  со високата естетика и креативност на „Божиновски часовници и накит“.

На последниот ден од поставката  посетителите ќе имаат можност да се дел од претпремиерата на новиот албум на Крсте Роџевски, која со оглед на тоа дека ќе се презентира сеуште необјавен материјал ќе биде достапен исклучиво за ВИП гости – вистински љубители на добриот звук.

„Сите визуелни форми на 7/8 такт“ – Одржана мотивациона работилница за инспирирање на дизајнерите во процесот на креирање на новиот македонски Swatch часовник

„Сите визуелни форми на 7/8 такт“ – Одржана мотивациона работилница за инспирирање на дизајнерите во процесот на креирање на новиот македонски Swatch часовник

Кои се можните визуелни форми на 7/8 такт кои треба да го исцртаат новиот македонски Swatch? Одговор на ова прашање вчера го бараа дизајнери, уметници и илустратори, заедно со музичарот Сашо Поповски и сопственикот на „Божиновски часовници и накит“ Игор Божиновски. Настанот се одржа во Офицерскиот дом Битола, во склоп на off програмата на фестивалот „Браќа Манаки“ како дел од заедничката поставката „Sound. Time. Vision“ на Теохаров аудио, заедно со Божиновски часовници и Каре, додека се преслушуваше музиката на Симон Трпчевски и Браќата Тавитјан.

„Ритамот 7/8 е своевиден татнеж – код кој генерациски се пренесува низ македонскиот народ, раскажувајќи за неговото минато и предвидувајќи ја неговата иднина. Токму тоа овој автентичен македонски код го прави најсоодветна основа според која треба да се издизајнира новиот македонски Swatch. Затоа што токму песните кои се темелат на 7/8 и нивните текстови се сведоци за одредени историски и општествени периоди на нашиот народ. Оттука симболиката 7/8 и неговото поставување на автентичен македонски часовник е навистина голема, одбројувајќи го времето и приказните кои сме ги раскажале, но и допрва ќе ги раскажуваме со најавтентичниот македонски код“, беше заклучено на мотивациската работилница.

7/8 ќе биде втор локален дизајн на часовник со македонски дизајн под платформата „Своч на Кирилица“. Првиот дизајн се појави минатата година по повод 30 годишнината од независноста на Македонија, симболично го носеше името „Дениција“, а беше потпишан од страна на илустраторот Зоран Кардула.

А, која ќе биде визуелната форма што ќе го исцрта часовникот во 7/8? Одговорот овој пат ќе го добиеме преку отворениот повик за дизајнери, илустратори и уметници кој веќе е во тек и ќе трае до 15 септември. Сите заинтересирани илустратори, дизајнери и уметници можат тука да ги прочитаат сите детали во врска со тековниот конкурс.

Ексклузивна претпремиера на новиот албум на Крсте Роџевски овозможена од Теохаров аудио заедно со Божиновски фондација и Каре

Ексклузивна претпремиера на новиот албум на Крсте Роџевски овозможена од Теохаров аудио заедно со Божиновски фондација и Каре

Теохаров аудио заедно со Божиновски фондација и Каре креираа незаборавно музичко патување во рамките на OFF програмата на фестивалот „Браќа Манаки“, преку кое вип гостите ќе имаат единствена можност да ја посетат претпремиерата на новиот албум на Крсте Роџевски.

„Како битолски бренд кој секоја година посветено, макотрпно и волонтерски сите свои ресурси и енергија ги посветува на организирањето на Off програмата на фестивалот, особено сме горди што оваа година споивме врвни и пасионирани луѓе кои и тоа како ќе ја збогатат годинешната програма. Среќни сме што заедно со Теохаров аудио и Каре успеавме на реновираниот Офицерски Дом и на сите посетители да им подариме незаборавно звучно искуство и неповторлива можност да уживаат во звуците на врвни звучни презентации насловена како „Legendary на Манаки“. Уште посреќни сме што вистинските љубители на брендот и ВИП клиентите ќе добијат ексклузивна можност претпремиерно да го преслушаат новиот албум на нашиот битолчанец Крсте Роџевски“ којшто е еден од првите поддржувачи на Божиновски фондација и проектот “Своч на кирилица”, велат од Божиновски часовници и накит.

За повеќе информации посетете ги bozinovskifondacija.org и swatchnakirilica.mk

Пред сè, задоволство ни е што на овој исклучителен фестивал имаме можност за заедничко претставување со Божиновски и Каре и преку програмата „Legendary на Манаки“ да ја пренесеме нашата бренд филозофија: наука, уметност, музика – велат од Теохаров.

Како што објаснуваат од Теохаров Аудио, програмскиот дел вклучува четири типа на звучни презентации преку системот Legendary: „Legendary experience“, „Legendary на македонски“, „Филмска музика на Legendary“ и „Legendary во живо“.

Секој од тематските настани говори за различните можности преку кои Теохаров сака на посетителите да им овозможи уникатна и исклучителна можност за консумирање на музиката и уживање во квалитетниот звук.

Аудио презентациите започнуваат секој ден од 16, а согласно гореспоменатите наслови, освен отворените музички сесии, во рамки на истите ќе бидат претставени албуми од познати македонски музичари кои се секогаш вредни за преслушување како: „Мајчин јазик“ и „Live in Belgrad“ од Влатко Стефановски“, „Македонисимо“ од Симон Трпчевски и „Македонското срце чука во 7/8“ од Браќа Тавитјан. Дополнително, во рамките на делот „Филмска музика на Legendary“ ќе се преслушува и филмска музика од македонски филмови и македонски композитори, концепт преку кој се нуди едно поинакво доживување на приказните.

Увертирата на целата поставка се разбира е претпремиерата на новиот албум на Крсте Роџевски, која со оглед на тоа дека ќе се презентира сè уште необјавен материјал ќе биде достапен исклучиво за ВИП гости – вистински љубители на добриот звук.

Атмосферата на поставката дополнително ја збогатува и Каре Македонија преку дизајнерскиот мебел, кој се одликува со впечатливост, елеганција и несекојдневност и кој ќе овозможи сосема ново доживување на просторот во Офицерскиот дом.

„Оff-програмата во Офицерскиот дом во Битола, која ќе можете да ја видите во рамки на фестивалот „Браќа Манаки“ става акцент на врвно визуелно-аудитивно доживување и повторно уметноста – во дизајнот на мебелот, на часовниците, аудио звукот … Воедно, ова е одлична можност одново да ја искусите или пак одблиску да се запознаете со префинетоста и смелоста на мебелот од „Смарт Ливинг“ групацијата и нејзиниот бренд КАРЕ. Нема да ве остави рамнодушни, како и севкупната програма. Како што вели и мотото на брендот – „Радост на живеењето“, навистина чувствуваме радост, задоволство и уживање што сме дел од фестивалот со најдолга традиција кај нас, а во друштво на уште два големи бренда со кои правиме една уникатна и квалитетна приказна. Дојдете да ја споделиме радоста и да уживаме“ велат од КАРЕ Македонија.