Изложба “5 години Џез Фестивал во Битола“ викендов во Битола

Во рамките на споредната програма од шестото издание на Џез Фабрика Фестивалот – Битола 2023, е и изложбата на фотографии под наслов “5 години Џез Фестивал во Битола“ на авторот Даниел Ѓурчиновски.

Истата ќе биде презентирана оваа сабота, на 8. Април со почеток од 12 часот, во Културно информативниот центар – Битола.

“Даниел е нашиот идеен творец, дел од тимот кој го создаде фестивалот и секако наш арт директор“, истакнуваат организаторите на фестивалот.

Изложбата е и во рамките на годишната програма на ЈОУ КИЦ Битола и истата содржи автентични фотографии од музичките настапи на џез музичарите кои во изминатите пет години настапиле на битолскиот џез фестивал „Jazz factory fest“. Главната музичката програма оваа година ќе се одржи од 13 -ти до 15- ти април со настап на повеќе реномирани џез музичари од Македонија и странство. Фестивалот ќе биде отворен со настап на Баба Сисоко од Африка, Тони Китановски од Македонија и Васил Хаџиманов од Србија.