Скопје Џез фестивал

Tag.

Теохаров како дел од Скопски Џез Фестивал

Post Image

Посетителите и изведувачите на Скопскиот џез фестивал годинава имаа можност одблиску да се запознаат со ТЕОХАРОВ АУДИО – единствениот македонски бренд за производство на High End аудио опрема.

Почитувајќи ги просторните можности во холот на Националната опера и балет, Теохаров аудио беше совршено визуелно и звучно добредојде кое никого не остави рамнодушен.

Звукот на музиката која се слушаше пред почетокот на концертите, на паузите и по нивното завршување беше вистинско уживање за посетителите кои не ги криеја своите задоволства од слушнатото.

Нема сомнеж дека организаторите на фестивалот препознаваат и почитуваат вистински вредности. ТЕОХАРОВ со својот пристап ги задоволува високите светски стандарди за квалитет и претставува совршено надополнување на интернационалниот карактер на Скопскиот џез фестивал.

автор: бон&бона

Паркер држи виртуелен час

Post Image

Музиката има неспорна моќ да утеши, воздигне, поврзе и инспирира.

Ви ја сервираме како противотров на секојдневниот страв, пад, одземените прегратки и насмевки.

Виртуозот на басот, со гласниот и упорен звук ќе го обзнани своето присуство и на овогодинешниот Скопје Џез фестивал, но овојпат-виртуелно.

Вилијам Паркер заедно со  гитаристката, пејачка и композитор Ејва Мендез и тапанарот Џералд Кливер ( Вилијам Паркер Трио) дефинитивно ќе не поврзе со светските текови на џез музиката.

Г-динот Паркер е малку постар од музиката што ја познаваме како слободен џез, но сепак, како ,,слободен играч,, повторно и повторно ја редефинира џез-импровизацијата.

Неговата музика инспирирала голем број на музичари од слободниот џез, но и на класично обучени музичари.

Тој, како татковска фигура им има дадено голем број на животни лекции, како и мудрости за музичката техника:

“Тишина е нешто што треба да научите да го почитувате. Фокусирајте се на прекинот помеѓу тишината и звукот додека почнувате да свирите, без да се обидувате да ја пуштите музиката што мислите дека ја знаете. “

“Да се ​​знае кога да се игра и кога да не се игра е прва, а можеби и најважна лекција за импровизаторот. Само тогаш, музичарот може да започне да се фокусира на звукот, техниката и структурата”.

На овој начин, потсетува на легендарните водачи на бендови како Дјук Елингтон, Арт Блејки, Бети Картер и Мингус, почитувани наставници и посветени музичари, чии бендови биле своевидни универзитети на легии џез музичари.

И затоа, вечерва, со нетрпение го очекуваме таму каде што најдобро инспирира- на џез сцената.