Совршена музичка игра на Марија Димитриевиќ Квартет во Аудиокултура
![](https://elemental.mk/wp-content/uploads/2023/03/thumbnail-10-1024x682.jpg)
Појавувањето на Аудиокултура во Скопје одамна не е ново, но сè уште е свеж и храбар исчекор кој не само на Скопје, туку и на Македонија и го надополни недостатокот од ентузијазам и истрајност во пласирање на бескомпромисен квалитет кога е во прашање музиката и квалитетниот звук.
![](https://elemental.mk/wp-content/uploads/2023/03/thumbnail-2-1-1024x682.jpg)
Воодушевувачки чиста е енергијата која ве пречекува во Аудиокултура. Како да влегувате во паралелен универзум кој во потполност ве растоварува од се. Поле на апсолутен мир, лежерност, отвореност за размена на човечки, музички и уметнички енергии кои лесно ве заведуваат непрестајно да сакате да престојувате во домот во кој доминира неграничено количество од почит кон уметноста, музиката, уметниците и оние кои дошле себе си да се дарат со привилегијата баш тука да пијат од мешавината која го чини еликсирот на животот.
![](https://elemental.mk/wp-content/uploads/2023/03/thumbnail-5-1-684x1024.jpg)
![](https://elemental.mk/wp-content/uploads/2023/03/thumbnail-9-768x1024.jpg)
На 09 март, Марија Димитриевиќ Квартет го прошири списокот на оние кои во Аудиокултура, себеси и на публиката и го приуштиле можеби најдобриот настап кој некогаш го имале.
Во рамки на концептот „Live at Audiokultura“ (50 guest limited), Марија Димитриевиќ – вокал, Гордан Спасовски – пијано, Кирил Туфекџиевски – контрабас и Виктор Филиповски на тапани, воодушевија со својот импресивен настап и изведба на низа од меки џез композиции и соло инструментални делници. Беспрекорниот звук од системите на teoharov audio ја надополни сета музичка раскош, суптилно завлекувајќи не во кругот на оправдано пребирливи и со високи поставени критериуми кога се во прашање музиката и квалитетниот звук.
Со нескриена внесеност, воодушевеност и спонтаност, овој кавртет наметна чиста радост … лесно прифатлива како детска игра.
![](https://elemental.mk/wp-content/uploads/2023/03/thumbnail-1-1024x682.jpg)
![](https://elemental.mk/wp-content/uploads/2023/03/thumbnail-4-1-1024x682.jpg)
![](https://elemental.mk/wp-content/uploads/2023/03/thumbnail-6-1024x682.jpg)
![](https://elemental.mk/wp-content/uploads/2023/03/thumbnail-7-1024x682.jpg)
![](https://elemental.mk/wp-content/uploads/2023/03/thumbnail-3-1-1024x682.jpg)
![](https://elemental.mk/wp-content/uploads/2023/03/thumbnail-8-1024x682.jpg)
![](https://elemental.mk/wp-content/uploads/2023/03/thumbnail-2-2-1024x682.jpg)
Текст: Бон&Бона