teoharov audio

Tag.

“Chalgia Sound System” во Аудиокултура

“Chalgia Sound System” во Аудиокултура

Современа изведба на македонска чалгиска песна репродуцирана преку hi-end аудио системите од teoharov audio беше музиката во која изминатиот петок уживаа гостите во Аудиокултура.

Chalgia Sound System ја долови сета топлина на чалгијата како жанр, умешно шетајќи ги посетителите низ широки просторни рамки, но и низ широк временски период.

Овој настан беше уште еден од низата “Live at Audiokultura” настани преку кои квалитетна музичка култура и негувањето на трајните музички вредности добиваат сосема поинаква димензија на уникатност која освојува.

„Students play music at Audiokultura” – нов музички концепт во Аудиокултура

„Students play music at Audiokultura” – нов музички концепт во Аудиокултура

Иако се чини дека скоро беше првиот музички настан од концептот, „Live at Audiokultura“, тој веќе ја испишува својата трета сезона на општествен бренд кој во континуитет промовира квалитетна музичка програма и презентира како треба да се живее култура. И, иако сеќавањата за секој еден настан се свежа колективна меморија која се прераскажува и го проширува кругот од љубители на музиката, Аудиокултура постојано го надградува препознатливиот имиџ на континуирано подобрување и позитивни промени насочени кон посетителите, но и кон музичарите.

Во таа насока, Аудиокултура веќе најави нов музички концепт – „Students play music at Audiokultura“, кој со реализација ќе започне на 24.02.2024 година.

Од Аудиокултура велат дека „Students play music at Audiokultura“ е внесување на нова суштинска нота која ќе го надгради концептот „Live at Audiokultura“.

“Имено, се работи за концепт со кој се предвидени вкупно 5 музички настапи во живо на кои свои музички перформанси ќе презентираат бендови креирани од студенти на Музичката академија при Универзитетот „Гоце Делчев“ од Штип, за која цел потпишан е Меморандум за соработка помеѓу Аудиокултура и Музичката академија.

Со оваа соработка, на младите музичари им се овозможува своите почетни настапи да ги реализираат свирејќи на врвна аудио-опрема и пред сериозна публика, за што цениме дека е одлична можност за афирмација и стекнување на искуство кое ќе ја збогати основата за нивно успешно градење како музичари.

Веруваме дека “Students play music at Audiokultura” ќе го извлече сиот младешки ентузијазам и ќе ни овозможи уживање во раскош од префинети ноти. “

Free Jazz во Аудиокултура

Free Jazz во Аудиокултура

Фантастични џез ритми креирани по моментална инспираци на триото Поповски, Китановски и Јосифовски е музиката која доминираше на вчерашниот “Live at Audiokultura” настан со кој Аудиокултура и Комерцијална банка како Генерален покровител ја продолжуваат низата од настани преку кои промовираат квалитетна музичка култура, истата правејќи ја достапна за широка публика.

Препознатливата индивидуалност на овие извонредни музичари, нивното долгогодишно познавање и заедничкото музицирање беа пренесени во музичка формација која го заслуши целото внимание на публиката. Атмосферата креирана од импресива тишина, фокусирано слушање и долг аплауз после секоја завршена композиција говореше дека оваа вечер е многу повеќе од само музички настан. Достојната размена на софистицираност, култура, почитување, музичка и звучна исклучителност на кои сведочевме вчеравечер, се пример кој треба да се следи.

Вечерта на одлична музика беше надополнета со кратка презентација од страна на Винарија Камник (Chateau Kamnik Winery) кои ја објаснија поврзаноста на вкусот на виното со чашите од кои се консумира.

“Live at Audiokultura” со КВАРТЕТО

“Live at Audiokultura” со КВАРТЕТО

Вчеравечер во Аудиокултура, составот КВАРТЕТО (Марко Виденовиќ, Марија Јаќимовска, Игор Бакревски, Кристијан Кожумановски и специјалниот гостин Петар Христов), преку изведба во живо, презентираше авторска музика напишана од Марко Виденовиќ.

Музичка, звучна и интерпретаторска перфекција се импресиите по кои ќе остане запаметена оваа музичка вечер со која Аудиокултура достојно го продолжува континуитетот на уникатна промоција на музиката и добриот звук.

Сосема компатибилен со концептот „Live at Audiokultura“ 50guests limited, овој камерен состав, иако класичната музика ја има за своја главна определба, во оваа прилика ја покажа својата сестраност, експерименталност и умешност во креирање на кохезија од различни музички правци.

45 минутното музицирање беше неверојатно патување кон една сосема друга димензија на впивање на музиката и нејзино уникатно доживување.

До следниот настан, уживајте во видеото од настанот и фото-галерија од Стефан Рајхл.

Пијан Славел и Винските мушички – совршен почеток на новата сезона од “Live at Audiokultura”

Пијан Славел и Винските мушички – совршен почеток на новата сезона од “Live at Audiokultura”

Со настап во живо на Пијан Славеј и Винските мушичи, официјално започна трета сезона од концептот “Live at Audiokultura”.

Полн погодок. 

Бесценета е таа Бранкова моќ за суптилно повлекување на толпата кон впивање на суштината впишана меѓу редовите на видливото.

А од таму извира изобилство од квалитетна музичка структура, врвен звук, акустична соодветност, искусно музицирање, емотивност, софистицираност и длабоко интимистички текстови спакувани во совршено кохерентна уникатност која музиката ја дефинира како начин на живот. 

Иако неверојатното чувството на исполнетост повикува кон раскажување, се оттргнуваме од трагање по добра формулација со која успешно или приближно успешно ќе се долови доживеаното. Наспроти тоа, до следното видување, остануваме разгалени од пријатното чувство кое скротува кон молчеливо уживање во привилегијата одблиску да се спознае ширината на врвната музичка култура, презентирана од ваков музички состав.

“Крај Вардарот сесии” во Аудиокултура со свое винил издание

“Крај Вардарот сесии” во Аудиокултура со свое винил издание

Големите желби резултираат со големи и значајни дела. 

Кога е во прашање музиката, Аудиокултура дефинитивно може да понесе признание за креатор идеи за достојно промовирање на квалитетна музика и врвен звук, до нивно реализирање во големи дела кои чуваат колективна меморија за уникатно музичко доживување и културно надградување.

Една таква музичка приказна е “Крај Вардарот сесии во Аудиокултура”. Ова е приказна во која се испреплетени многу љубов, ентузијазам, креативност, слобода и сплотеност.

Пред повеќе од една година, пасионирани љубители на музиката и врвниот звук ја започнаа со јасна визија и прецизно испланирани детали за секој сегмент на патот кој води, не кон завршеток, туку кон цел музиката да се негува и чува…како инспирација за уште многу идни дела кои ќе ги збогатуваат колекциите од трајни вредности.

Едногодишната реализација на овој проект опфаќа 12 настапи во живо на истакнати музички имиња од ПМГ Рекордингс, внимателно бирање на музички материјал, специјално креирање на поставки од hi-end аудио опрема за секој поединечен настан, врвни акустични услови, снимање, продуцирање и безброј саати посветена комуникација за размена на идеи кон континуирано надградување на основната идеја.

Беспрекорниот акустичен простор на Аудиокултура беше сцена за најголемиот дел од овие настани од кои се креираше материјалот за содржината на винилот. 

Крајот на првата сезона беше обележан со фестивалско издание, како дел од официјалната програма на фестивалот “Крај Вардарот џез”. Во рамки на ова издание, за прв пат беше поставена и изложба од фотографии креирани на настаните кои се одржуваа во Аудиокултура.

Пред крајот на втората сезона, “Крај Вардарот сесии во Аудиокултура” имаше и свое второ фестивалско издание кое беше дел од официјалната ОФФ програма на ИФФ Браќа Манаки во Битола. Во рамки на ова фестивалско издание, Аудиокултура, Теохаров Аудио, Божиновски часовници и накит и ПМГ Рекордингс организираа музичко-креативна работилница со професионални дизајнери пред кои беа споделени детали за суштината на проектот. Резултатот од оваа работилница се 7 прекрасни дизајнерски решенија за омот на винилот “Крај Вардарот сесии во Аудиокултура”.

За визуелното претставување на оваа прекрасна приказна спакувана во винил издание е избран дизајнот на Горјан Главевски.

Неговиот креативен пристап во потполност ја доловува суштината која нас не водеше низ овој едногодишен процес велат креаторите на проектот “Крај Вардарот сесии” во Аудиокултура.

Од другата страна на приказната, доживувањата на истата се фасцинантни. Кон преточување на музиката во слика, Горјан вели:

“Од музика до визуализација. 

Главната инспирација за ова решение доаѓа од самата музика која е врежана на ова специфично винил издание. 

Исто како во џезот, кој е најслободен музички израз базиран врз импровизација и прекршување на сите поставени музички правила, така и центарот на самиот дизајн е неправилна клавијатура која е всушност само дел од пошироката слика. 

Сакав да доловам спокојна прошетка покрај кеј, рефлексија во водата и простор за многу слобода и музика. 

Доминантните бои од предниот дизајн, сината и црвената ги искористив и на задната страна, но тука носат сосема различно значење и претставуваат нешто есенцијално – бакнеж помеѓу машка и женска фигура. 

Дизајнот е позитивно видување на животот и убавите нешта – љубов, музика, игра, слобода…” 

Винилот “Крај Вардарот сесии во Аудиокултура” е лимиторано издание достапно само во Аудиокултура и Божиновски 

Крај Вардарот сесии со Аудиокултура и Божиновски, овој петок во МКЦ

Крај Вардарот сесии со Аудиокултура и Божиновски, овој петок во МКЦ

Крај Вардарот Сесии е заеднички проект на дискографската куќа ПМГЏез и концептуалниот соничен кафе бар Аудиокултура, кој се реализира во соработка со реномираниот македонски бренд за часовници и ексклузивен накит, Божиновски.

Проектот трае веќе неколку месеци, а се состои од реализација на десетина концерти кои ПМГЏез, како реномирана дискографска куќа, ги организира во извонредно атрактивниот и звучно врвно подготвен објект на Аудиокултура. Сите настапи се снимаат, а селекција од најквалитетните мигови ќе се најде на винил издание, кое треба да се појави оваа есен и ќе биде своевиден артефакт од оваа интересна колаборација.

Овој петок, на 19ти мај, Крај Вардарот Сесии за миг ќе излезе од кафе барот на Аудиокултура, всушност, заедно со нивниот звук и атмосфера ќе бидат пренесени во горното фоаје на киното Фросина, при МКЦ Скопје.

Во рамките на четвртото издание на Крај Вардарот Џез Фестивал, ПМГЏез, заедно со Аудиокултура и Божиновски, ќе приредат специјална фестивалска вечер во која проектот Крај Вардарот сесии ќе биде претставен на пошироката јавност на еден малку поинаков начин.

Покрај неколкуте обраќања на темата од организаторите, аудио претставување на материјалот кој ќе се најде на плочата и мал винил базар, посетителите ќе имаат уникатна можност да проследат изложба на фотографии направени во рамките на досегашните настапи од овој проект во Аудиокултура.

Секој од коорганизаторите ќе има свој штанд каде ќе ја претстави својата работа и производи, а вечерта ќе ја крунисаат два концертни настапи, промоции на ноедамна излезени домашни албуми во продукција на ПМГЏез, кој се јавува како организатор на Крај Вардарот Џез Фестивал.

Настанот започнува во 19 часот, влезот ќе биде слободен, а публиката ќе може да ужива во концертите на две уникатни дуа: Букршлиев – Томевски и Кондовски – Дробицки. Ова е извонредна можност да се запознаете поблиску со работата на некои од најактивните културни и дизајн чинители на сцената во последниве години, па повелете.

“Live at Audiokultura” со Добрила и Дориан Дуо

“Live at Audiokultura” со Добрила и Дориан Дуо

Програмата од музички настани кои се реализираат во Аудиокултура е навистина богата, различна и непогрешливо квалитетна. Одржливото, па и растечко ниво на музички, звуковен и организациски квалитет кои се пласираат оттука се респектабилен фактор за кој публиката цврсто се држи. Се чини дека секој кој еднаш посетил настан, оттука излегува со нескротлива желба да присуствува на сите следни.

Доказ за тоа е настанот кој овој петок се реализираше во Аудиокултура. Интензивниот дожд очигледно не успеа никого да спречи во намерата да дојде тука и да си дари себе си нова доза од извонредна музика. Овој пат во изведба на Добрила и Доријан Дуо.

Неверојатно позитивна енергија, отвореност, воодушевување, ведрина и добар збор се излеаја од Добрила на самиот старт на настанот. Ја разоружа публиката од сите бариери, прецизно и смело нагласувајќи дека во просторот кој сите го чувствуваме како дом, музиката е обединувач на, како што самата ги нарече, сладокусци кои точно знаат што значи музиката да се слуша репродуцирана преку hi-end системите од teoharov audio. Достојно и со почит, кон музиката, звукот и публиката, Добрила и Доријан приредија извонредно музичко патување на кое доминираше интерпретаторска и емотивна раскош. Композициите од нивните два албуми, претставени на овој автентичен начин, не насочија кон сосема поинакво доживување на музиката која на сите ни е добро позната.

„Помеѓу два тона“ беше музичко патување кое обедини различни временски периоди на привлечен начин. Музиката од минатото, во емотивна и игрива изведба на Добрила и Доријан, сосема и приличи и на сегашноста. Сладокусците кои имаа можност тоа да го доживеат, уште долго ќе ја паметат оваа вечер како совршена.

Елементал: Добрила, беше вистинско задоволство да се следи Вашиот настап во Аудиокултура. Воодушевувачка е Вашата потенцирана отвореност за неограничена размена на енергија со публиката. И тоа од самиот почеток на настапот. Што е тоа што го трга штитот или поблаго речено неопходното запознавачко интро кое вообичаено е пресудно за насоката во која ќе тече настапот?

Добрила: Почетокот, темата, зачетокот, иницијацијата… тоа е секогаш најважно, зар не? Тоа е местото од каде што почнува приказната и трасата по која ќе се движат работите. И доколку на тој момент не му се даде најдобрата насока, крајот секако нема да биде таков каков што сме го  посакувале. Јас, искрено, многу се радувам што сте го забележале начинот со кој јас го започнав концертот во Аудиокултура. Зачуденоста е уште поголема поради тоа што досега никогаш не сум изоставила да го започнам концертот или да зборувам помеѓу песните, но ете вие сте први што јавно го откривте тоа 😊. И сега, кога ме проѕревте, еве да си кажам: таквите почетоци се обид да се создаде непосреден однос помеѓу артистот и публиката. Да се отвори канал преку кој емоцијата ќе тече, ќе се разлева низ околината во кој на некој чудесен начин сите ќе бидат учесници во тоа. А најлесниот начин да се создаде тоа е со хумор, забелешка, смешка. Музиката за мене е чин на размена на емоции и тоа преку раскажување приказни, преку покажување што чувствувам јас кога раскажувам и мојата желба да им ја пренесам таа емоција на луѓето околу мене. А приказни не се раскажуваат секому, туку само на оние на кои им верувате, на оној кој ви е близок, со кој си се сакате. Приказната има сопствени правила и децибели со кои се соопштува – никогаш гласно, ами со шепот и во доверба. Е, за да се создаде таква блискост, артистот мора да се погрижи да направи публиката да му верува и да се почувствува како драг пријател. На тој начин се рушат сите бариери и започнува размената на чистата емоција. А кога тоа ќе се случи, тогаш бидете сигурни дека ќе имате одличен концерт.  

Елементал: Какви Вашите впечатоци? Љубопитна сум за деталното доживување од другата страна на приказната и деталите кои за Вас како музичар се важни

Добрила: Јас обожавам камерни концерти. Обожавам! Сакам кога публиката е блиску, кога можам да ги слушнам како дишат или не дишат 😊, кога стануваат дел од песната. Тогаш блискоста за која зборував, станува уште поголема и полесно се стигнува до секој во салата. Таков беше концертот во петокот за кој мора да откријам една тајна: на нашата тонска проба кога го местевме звукот со Дориан и Веселин (Аудиокултура), на мојата прва проба на микрофонот, а подоцна и заедно со утот на Дориан, јас останав занемена! Едноставно, ме заплиска таков звук поради кој не знаев каде сум. Како првпат да се слушам себеси, да се откривам на некое друго место. Поради таквото мое „непрепознавање“ мислев дека некаде во пеењето грешам  и постојано му повторував на Дориан да пробаме уште еднаш и уште еднаш. Но кога публиката почна да влегува и да ги покажува очекувањата од тоа што ќе го чујат, знаев дека пред нас е ноќ во која имаме можност да ја озвучиме тишината… И одеднаш сѐ ми стана јасно. Ги поздравив, се насмеавме и започна волшепство во кое сите заедно се стопивме.

„Крај Вардарот сесии со Аудиокултура“ во МКЦ

„Крај Вардарот сесии со Аудиокултура“ во МКЦ

Културниот билтен на настани, на 19 мај, бележи целодневен концепт насловен „Крај Вардарот сесии со Аудиокултура“.

Имено, долгорочниот проект „Крај Вардарот сесии“ во Аудиокултура, на 19 мај ќе го реализира осмиот настан од вкупно предвидените 11. Овој пат во МКЦ, преку целодневна програма која преку неколку различни настани ќе ја долови суштината на проектот чија крајна цел е креирање на материјали со кои ќе се збогати не само македонската музичка архива, туку и мемоарите на општествената културна историја.

Проектот од самиот старт беше најавен како концепт кој, преку настапи во живо на истакнати музички имиња, ќе ја надмине основната форма на промоција на квалитетна музика, нудејќи и на публиката уникатни искуства преку низа специфичности својствени за Аудиокултура која одамна е предводник во поставувањето на нови музички, звучни и културно општествени стандарди. До сега, во Аудиокултура се реализирани вкупно 7 настани на кои свои настапи во живо имаа истакнати музички имиња. Од секој од овие настани, реализирани во совршени акустични услови и звучно репродуцирани преку врвните hi-end системи од teoharov audio, е документиран аудиоматеријал од кој на крајот на 2023 година ќе биде издаден винил запис. Осмиот настан од овој концепт ќе има своја проширена варијанта за која Аудиокултура во заедничко партнерство со Божиновски часовници и накит, Теохаров аудио и ПМГ Рекордингс, креираа целодневна програма од тематски настани кои ќе се реализираат во рамки на официјалната програма од четвртото издание на фестивалот „Крај Вардатот Џез“

Реализацијата на истата ќе започне во 19:00 со изложбата на фотографии од Татјана Ранташа, Стефан Рајхл и Благоја Ангеловски. Во оваа прилика ќе бидат изложени дел од фотографите настанати за време на претходните 7 настани од концептот „Крај Вардарот сесии“ во Аудиокултура. Изложбата ќе биде проследена со музика снимена во живо од настаните “Крај Вардарот Сесии” во Аудиокултура, пренесена преку системите од Теохаров аудио. Поставката од фотографии ќе биде изложена во холот на МКЦ до завршување на последниот настан од предвидената програма.

Музичката доминација ќе продолжи во 20:30 часот за кога е закажан настапот во живо на дуетите Букршлиев – Томевски и Кондовски – Дробицки. За изведба на Букршлиев – Томевски се својствени слободна и дискретно структурирана импровизација на нетипични камерни формации. Во оваа прилика, својата уиграност и развиената телепатска вештина за музичка комуникација ќе ја покажат преку промоција на албумот „Something Lonely in the Bone“ во издание на ПМГ Џез.

Пред стартот на последниот настан од овој концепциски, музичко-уметнички ден, Аудиокултура и Божиновски часовници и накит, под чие заедничко партнерство ќе биде издаден винилот „Најдоброто од лрај Вардарот сесии во Аудиокултура“, ќе споделат значајни детали за истиот. Имено, ќе стане збор за деталите на оваа уникатна приказна која обединувачката моќ на музиката ќе ја пренесе, не само преку музиката како таква, туку и преку форматот, дизајнот, бројот на примероци и локации на кои ќе може да се купи ова извонредно парче музика.

Целодневната културна авантура ќе биде заокружена со настап во живо на дуетот Кондовски – Дробицки. Нивната соработка е документирана низ неколку изданија, делумно испланирано, делумно импровизирани, но секако непогрешливо квалитетни.

Она што е особено важно се високите организациски стандарди и промоцијата на врвниот звук својствени за Аудиокултура. Во оваа прилика, специјално за оваа целодневна програма, во МКЦ ќе биде поставен сетап од hi-end системи од teoharov audio преку кој ќе се реализира звучната репродукција на сите тематски настани. Со цел доближување на ова можност за уникатно доживување на музиката и врвниот звук од што поголем број на публика, влезот за настаните ќе биде слободен